धैर्यताको सिमा नटुटोस् हामीमा

बिश्वमा वीर गोर्खाली भनेर चिनिने हामी नेपालीलाई हाम्रै छिमेकी राष्ट्रले चिन्न छोडेकै हो त – सबैको मनमा यही प्रश्न उब्जिएको छ आज। कोही हल्लैहल्लाको भरमा त कोही सोसियल मिडियाको भरमा यस्तो भयो त्यस्तो भयो रे भन्दै हिडेको भान हुन्थ्यो हिजो सम्म। मेरो त कुरा अलग होला आफ्नो ठाउँमा तर हाम्रा कुटनीटिक तहका राजनेता भनाउदाहरु पनि यस्तै भ्रम छन् अझै पनि। धैर्यताको सिमा नाघ्यो भने स्थिति कस्तो हुन्छ त्यो ईतिहास भुलेको भए केहीबेर स्मरण गराै ऋतिक काण्डको – एउटा सानो हल्लाको भरमा देशबासी कसरी उर्लिन्छ जब राष्ट्रता र स्वाभिमानको कुरा आउदा, त्यसैले परिस्थिति धेरै बिग्रनु अगाडि नै केही उपाय खोजि हाल्ने बेला भैसक्यो। अन्यथा यो सानो बाट शुरुवात् भयो तर बिकराल रुपमा दुई देशबिचको यु्द्दसम्म नपुग्ला भन्न सकिन्न।

जबसम्म कुरा दाजुभाई र परिवारमै सिमित हुन्छ त्यो आन्तरिक मामिला हो भनेर चुप लाग्नु पर्छ तर जब कुरा बोर्डर पारि पुग्यो अब धैर्यताको बाध बाधेर सकिदैन।

राजनीतिक ब्यक्तित्वहरु अझै माैन देख्छु, कहि कतै आशाहरु छन् भनेर कुरेर बसेका झै लाग्थ्यो तर वास्तविकता त अझै नाजुक पो देखियो।
केही दिनको गुनासो हो यो, १-२ दिनमा आफै नाकाबन्दी हट्छ भनेर मोदीको अमेरिकी भ्रमण सकेर ईण्डिया फर्किने दिन पो कुरिरहेको जस्तो लाग्दैछ कता कता

तर ठीक बिपरित मोदी भने आफ्नो भाषाको कुटिलता प्रयोग गर्दै बिश्वसामू भ्रामिक समाचार सम्प्रेषण गर्दै नेपाल र नेपालीको खिल्ली उडाइरहेको छ। गाैतम बुद्धको जन्म ईण्डियामा भएको कुरा लाजै नमानी जुनसुकै कार्यक्रमा आफ्नो तुच्छ बोली बोल्ने बानी नै परेको भारतीय प्रधानमन्त्री मोदीले क्यालिफोर्नियाको सन जोसस्थित साप सेन्टरमा भारतीय समुदायलाई सम्बोधन गर्दै अझै प्रष्ट्याए कि “सिद्दार्थ नेपालमा जन्मेको भए पनि बुद्धत्व ईण्डियामा पायो र त्यही भएर बुद्धको जन्म ईण्डियामा भएको हो” भनेर।

नेपालीमा एउटा भनाइ नै छ “छिमेकी परिवर्तन गर्न सकिदैन” त्यही भएर जसरी हुन्छ चाडो भन्दा चाडो वार्ताबाट समस्याको निकास खोजिएन भने जनता आक्रान्त भैसके, सडकमा निस्किन धेरैबेर लाग्दैन।

Hits: 13