वास्तविक राजनेता बन्ने बेला यही हो कि?

समय, परिस्थिति सधै एकनास हुदैन। जब जब समस्याहरु बल्झिन्छन्, तब तब राष्ट्लाई सहि दिशामा मार्गदर्शन गर्ने राजनेताको आवश्यकता पर्दछ।
देशले संबिधान पाएर खुशीयाली मनाउन नपाउदै छिमेकी राष्ट्रले चालेको कदमको कारण आज देशले नाकाबन्दीको मार खप्न पुग्यो।
इण्डियाले जुन कदम चाल्यो, जुन शर्तहरु राख्यो – त्यसको मूल्य ढीलो चाँडो ब्यहोर्नै पर्छ। अहिले नै Tweet Trend #BackOfIndia ले सामाजिक संजालमा मोदी सरकारको घोर बिरोध शुरू भैसकेको छ।

तर वास्तविक समस्या मेरो नजरमा हाम्रै देशभित्र छ। नेपाल कै नागरिकता बोकेर, नेपालकै भूमीमा बसेर नेपाल बिरुध्द कदम चाल्ने नेपालीलाई के हामीले अझै नेपाली भन्ने त? आन्तरिक मामलामा छिमेकीको हस्तक्षेप चाहियो भन्दै हिड्ने नेपालीलाई कहिले सम्म खुल्ला छोड्ने?

जब सम्म आफ्नो परिवार बन्दैन, जसले जति ठूल-ठूला कुरा गरे पनि केहि हुने वाला छैन।
आफ्नै घरको सदस्यसँग बिश्वास गर्ने वातावरण बनेको छैन भने छिमेकीको भर परेर के गर्नु!

आज चीनसँग मिलेर ईण्डियाको बिरोध गर्न हुदैन, किनकि हिजोको दिनमा इण्डियासँग मिलेर चीनको बिरोध गरेको भए आजको दिनमा चीनसँग दोहोरो ब्यापारको कुरा गर्न सकिन्नथ्यो। हामी भाैगोलिक रुपमा अप्ठेरो स्थितिमा छाै, यसको मतलब झुक्ने हैन तर मिलेर सम्झाैता गर्ने हो। अन्तराष्ट्रिय कानुन छ, सन्धि सम्झाैताहरु छन्, त्यही भएर हामी डराउनु पर्ने खास कारण त छैन। त्यसो भन्दैमा समस्याको सही समाधान आफै हुने हैन, कुटनितिक तवरले बेलैमा यसको समाधान खोजिनु पर्छ।

आजको स्थितिमा बाबुरामको सोच र नेतृत्वको आबश्यकता महशुश गर्नेको मुखमा लात हान्दै डाक्टर सा’बले पार्टी परित्यागको घोषणा गर्नु आफैमा पलायनवादी कदम हो।

सम्बिधान बन्यो र सबै नेता ठूलै राजनेता भए होलान् आफ्नो ठाऊमा, तर कार्यान्वयणमा सोचे भन्दा धेरै ठूलो अप्ठेरो आई नै सक्यो। वास्तबिक राजनेता भएर देशलाई अस्थिरताबाट मुक्त बनाउने जिम्मा त छदैछ तर तत्काललाई भारतीय रवैयाबाट छुटकारा दिलाउनु अनि नजिकिदै गरेको राष्ट्रिय चाँड पर्वलाई ध्यान दिदै यथाशिघ्र नाकाबन्दी जस्ता समस्याबाट आफ्ना जनतालाई मुक्त दिलाउनु नै सहि राजनेताको कर्तव्य हुन जान्छ।

Hits: 21