स्वतन्त्रता र समुन्नतिको लागि एक जिम्मेवार नागरिको परिचय दिदै गगन कुमार थापालाई मत दिऊ

मेरो पुस्ताको नेता भनेर सम्पर्ण युवा जमातले भन्दै गर्दा काठमाण्डाैं क्षेत्र नं ४ को मतदाताको नाताले गगन थापालाई मैले व्यक्तिगत रुपमा नजिकबाट चिन्ने र बुझ्ने माैका पाएको छु र यो मेरो लागि गर्वको कुरा पनि हो‍।

मेरो जन्मस्थान बुढानिलकण्ठ १३ चुनिखेल, अनि पेशाले म एक सफ्टवेयर इन्जिनियर ( Software Engineer) र सूचना प्रबिधि उद्यमी (IT Entrepreneur)। 

प्रतिनिधि सभा र प्रदेश सभाको चुनावी माहोलले यो चिसो माैसमलाइ न्यानो प्रदान गरेको छ। काठमाण्डाैं क्षेत्र नं ४ भन्ने बित्तिकै गगन थापाको क्षेत्र भनेर चिनिन्छ। म आफू काम र व्यबसायको सिलसिलामा युरोप र एसियाका बिभिन्न देश तथा नेपालको बिभिन्न गाउँ जिल्ला घुम्दै गर्दा काठमाण्डाैं क्षेत्र नं ४ को बासिन्दा भन्ने बित्तिकै मलाइ हेर्ने र मसँग गर्ने व्यबहार नै फरक पाउँथे। देश बाहिर रहेर देशको चिन्ता लिने र माया गर्ने सम्पूर्ण गैर आवासीय नेपालीहरु जसले युवाको शक्ति (Young Energy) र एउटा भरपर्दो जिम्मेवार काँधको खोजि गरिरहेका हुन्थे, उहाँहरुको लागि गगन कुमार थापा एक मात्र त्यस्ता युवा नेता(Young Leader) हुन् जसलाइ पार्टी भन्दा नि एउटा बुलन्द सोच र उच्च विचारको लागि चिनिन्छ। म आफू यो क्षेत्रको मतदाता हुनु भनेकै एउटा राष्ट्रिय परिचय (National Identity) जस्तो अनुभुति हुन्छ।

आम जनताको चाहना र कामना नेपाली राजनीति बदलिनुपर्छ।
गगन थापाको पुस्तान्तरणको महाभियान सफल बन्नुपर्छ।

इ. सुरेन्द्र श्रेष्ठ

म आफू त्रिचन्द्र कलेज पढ्दै गर्दा, सवैको मुखमा गगन गगन सुन्दै गर्दा नेपाली काँग्रेसप्रतिको आस्था र मोह पलाउनु स्वभाविक थियो। अझ ५ वर्ष रसिया बसेर पढ्ने क्रममा कम्युनिष्ट शासनलाइ धेरै नजिकबाट बुझ्ने र भोग्ने अवसर पाए। यस अर्थमा मलाई कुनै राजनैतिक पार्टीले दिने ५०-६० पन्नाको घोषणापत्र मात्र एउटा झूठो आश्वासन लाग्छ। म माटो सुहाउदो र राष्ट्रिय हितको लागि नयाँ ढंगले सम्पूर्ण व्यवस्थामै आमूल परिवर्तन आउनुपर्छ भन्ने सोच राख्छु। यसको मतलव म कुनै व्यवस्था (System) को बिरोधी हैन, तर स्वतन्त्रता र समुन्नतिको वकालत गर्दै सवैले आफू उन्नतिको बाटोमा अग्रसर हुनुपर्छ र यसको लागि सरकार (Government) स्वयंले राज्य व्यवस्थामै बदलाव (change) ल्याउनुपर्छ भन्ने कुरामा विश्वास राख्छु। चाहे त्यो सडक-बाटो निर्माणको टेण्डर प्रक्रियामा होस्, चाहे स्वास्थ्य बिमा (Health Insurance) सम्बन्धि होस्, अथवा चाहे Smart City वा Digital Nepal कै एजेण्डामा होस्, हामीले एउटा परिपक्व राज्य व्यवस्था बनाउन सकेनाै भने चाहे गगन थापा आआोस् चाहे बालेन शाह या रबि लामिछाने, देश यथास्थितिमै रहिरहन्छ र दुनियाले गरेको उपलब्धीमा र्‍याल काढेर पासपोर्ट बनाउदै बिदेश पलाएन हुने बाहेक हामीसँग अरु कुनै उपाय बाकी रहदैन।

मलाइ उदेक लागेको कुरा तर भन्दा बिरोध गरे जस्तो हुने वृद्धभत्ताको रहस्यमय राजनीति छ हाम्रो देशमा। वृद्धलाई उचित सम्मान र सुविधा दिनुपर्छ। तर हाम्रो जस्तो देश जहाँ राष्ट्रको ढुकुटी भन्दा आम नागरिकको बैक खाता भारी छ, देशले एउटा जनसेवामुखी कर व्यवस्था गर्न सकेको छैन, त्यस्तो राज्य व्यवस्थामा ७५ बर्षबाट घटाएर ६८ र अव ६५ बर्षमा वृद्धभत्ता दिन्छु भन्नु कत्तिको अर्थ लाग्छ, मैले चाहि बुझेको छैन र मलाइ लाग्दैन कि हाम्रो देशको अर्थतन्त्रले यसलाइ धान्न सक्ला भनेर। तर आज नेपाली काँग्रेस एउटा ठूलो चुनौती (Challenge) लिएर ६५ बर्षमा वृद्धभत्ता दिन्छु भनेर चुनावी मैदानमा उत्रेको छ र अर्थबिदहरुले यसका सम्भावना (Possibility) र सम्भाव्यता(feasibility)हरुमा काम गरिराखेको हुदा ढुक्क हुने अवस्था चाहि छ।

म जुन परिवेशमा हुर्के बढें, न त सामाजिक रुपमा आशलाग्दो थियो न त भैगोलिक अथवा आर्थिक रुपमा। १० बर्ष अगाडी चुनिखेल भन्ने वित्तिकै लाज लाग्थ्यो। काठमाण्डाैंमा भएर नि कर्णालीको जस्तो विकटता संगालेर बसेको, कसैको नजर नपरेको अध्यारो गाउँ थियो चुनिखेल। गगन कुमार थापाको उदय संगै १० बर्ष यता चुनिखेलले नयाँ मुहार पायो, काँचुली नै फेर्यो। समय सबै भन्दा मूल्यवान् हुन्छ र धोबीखोला करिडोर, चपली सापाटार हुदै गोकर्ण जाने बाटो सम्पन्न भएदेखि यो ठाउँमा क्रान्तिकारी परिवर्तन (revolutionary Change) भयो।

हिजो बालेन शाहले काठमाण्डाैंको मेयरमा जित हासिल गर्दै गर्दा खुशी हुने वर्गमा म पनि एक हो। अनि आज प्रतिनिधि सभा र प्रदेश सभामा सम्पूर्ण ६५ कटेका वृद्धहरुलाइ पाखा लगाएर उचित योजना सहित राष्ट्रको लागि भिजन लियर अगाडी बढेको युवाको काँधमा देशको अग्रगामी विकासको अभिभारा सुम्पिनमा म आफ्नो अमूल्य मत दिन आतुर भएको छु।

Hits: 59